SUBTITULO

| | | |

Exames Xullo 2015


Antes de que finalizase a tempada 2014/2015 o noso Sabonim Ramón Lema, realizaría unha última convocatoria de exames. Algúns dos alumnos que se examinarían estarían afrontando o seu primeiro paso dentro do camiño que o formará como practicante de Taekwon-Do ITF. Outros, seguirían avanzando e dando un paso importante en dito camiño.

Os exames celebráronse a pasada tarde do xoves 30 de xullo, antes das últimas clases da tempada. Os alumnos irían entregando, de un en un, a documentación precisa para a realización da proba, mentres o examinador, Sabonmin Lema, comezaba coas primeiras preguntas da tarde.

Tras avaliar a parte técnica dos presentes, o exame proseguiu con técnicas de pateo, técnicas en salto e sparring, finalizando con cuestións de carácter teórico que Sabonim estimou oportunas.

Cada un dos chícharos deu o máximo de sí mesmos dende que entraron ao Dojang ata que finalizou o exame. Sabum Lema, satisfeito co nivel que demostraron os seus alumnos durante a tarde, non dubidou en felicitalos polo aprobado e a animalos a seguir traballando na mesma liña que están seguindo.

» Galería de imaxes
Ler máis...

Exhibición Xuño 2015


Un ano máis a escola de Taekwon-Do ITF Oroso participou nas exhibicións de clausura da escolas deportivas do Concello de Oroso.

Durante pouco máis de media hora, durante a tarde do pasado 19 de Xuño, os alumnos da nosa escola, incluídos os instrutores e os alumnos do grupo dos adultos, demostraron as súas máis espectaculares habilidades diante dun público entregado aos nosos chícharos.

Os presentes no pavillón Juanito Amigo Ferreiro, puideron disfrutar vendo exercicios de Tul por equipos, exercicios de defensa persoal, combate de exhibición e rompementos. Primeiro por parte dos más pequenos da escola, seguidos polos máis grandes finalizando a exhibición cos exercicios de rompementos de potencia e técnicas especias dos adultos e instrutores.

» Galería de imaxes (David Otero)
Ler máis...

Final da Liga FITE Galicia 2014/2015


Fisterra pechou a Liga. A mañá do sábado día 2 de Maio do 2015 o Pavillón Municipal de Fisterra abría as súas portas para que os máis dun centenar e medio de participantes, das distintas escolas galegas, puidesen loitar polos últimos puntos que estarían en xogo neste último encontro da Liga FITE Galicia 2014/2015, organizado pola escola de Taekwon-Do ITF Fisterra.

As eliminatorias das categorías infantís foron as que abriron o evento. Cada un dos nosos chícharos sabía os puntos que estaban en xogo, os puntos que precisaban para remontar na clasificación ou os que lles chegaban para manterse en posición de podio. Afrontaban cada eliminatoria coma se fose unha final, que en certo modo as eran. Deron todo o que puideron e máis en cada Tul, en cada combate. Mostrándolles aos árbitros e adestradores a súa mellor versión.

Despois da espectacular actuación que fixeron o futuro do ITF Oroso durante a mañá e a primeira hora da tarde, os maiores non podían ser menos. Pablo Castiñeira e Sergio Regueiro pecharon a exemplar actuación na Liga que realizaron os nosos chícharos. En cada encontro, de cada Liga, o nivel dos nosos é cada vez maior, polo que os puntos véndense cada vez máis caros.

A entrega de medallas para os finalistas da Liga FITE Galicia 2014/2015 foise realizando ao longo do evento. Realizáronse diversas paradas durante o torneo para que os finalistas das categorías xa finalizadas puidesen recoller as súas medallas, que veñen a representar o esforzo, a entrega e o traballo de toda unha Liga.

Ademáis, durante esta entrega de medallas tamén se fixo a entrega das placas aos alumnos de cada escola, en recoñecemento á súa dedicación e traballo durante o ano. O noso galardoado foi Roberto Juncal. Parabéns!

» Resultados oficiais Liga FITE Galicia 2014/2015
» Galería de imaxes
Ler máis...

EXAMES ABRIL 2015

Durante a tarde do pasado venres 17 de Abril realizouse na nosa escola unha nova convocatoria de exames. Nesta ocasión sería o noso Sabumnim Ramón Lema quen se faría cargo da avaliación dos Chícharos, aspirantes a cinto amarelo, amarelo-verde e azul.

A xornada de exames comezou ás cinco da tarde, co primeiro grupo de aspirantes. Sete aspirantes a cinco amarelo, un a amarelo-verde e un para cinto azul, entraban pola porta do dojang preparados para afrontar unha esixente proba que se lles poñería por diante. Ao igual que o facían, ás nove da noite, dous alumnos do grupo dos adultos, que afrontarían o seu segundo exame como practicantes de Taekwon-Do ITF.

A cada aspirante para cada grado esixíuselles os Tul correspondentes, así coma os exercicios de sparring (combate a pasos, hosinsul (defensa persoal), etc.) técnicas de golpeo e bloqueo (tanto de man coma de perna) e preguntas de carácter teórico.

Os resultados, máis que positivos. Sabumnim Lema puido observar unha notable melloría neste exame respecto do exame anterior, quedando satisfeito ao ver que os seus alumnos van no camiño correcto.

» Galería de imaxes

Ler máis...
#CHÍCHAROSTEAM
Copyright © 2010 Club Taekwon-Do ITF Oroso | Official Website ... Taekwon!!
C/Xuncal 12 2ºC, 15888 Sigüeiro - Oroso (A Coruña)
Tfnos: 646374044 - 618551967 | e-m@il: itforoso@gmail.com

Powered by Blogger | Design by Castivaz